•[• عـلى فكـرهـ.. •]•

•[• عـلى فكـرهـ.. •]•
طارق المحياس
هـــiــــا ..

كثر ماتقدر اتمادى وقول اللي تبي وبساع
انا واثق ولايهمنــي اذا تحفر لي اي حفره
ترا من يوصل القمه يحسده من سكن بالقاع
وهالشي من قبل معروف يعني بس على فكره
مثل مافي تجاره وخير بعد في للطرق قطاع
مدام القافله تمشي نباح الكلب ماضره
ومثل مافي ضعاف نفوس مثلك يحسدون شجاع
تأكد والله ماحركـت فالشجعان لو شعـــره
ترانا تربية زايد لنا عده وعتاد وساع
فوقت الشده مانرحم ياويل اللي بدا غدره
وتراها المسأله ماهي بقضية جوع او اشباع
تفضل عندنا فالبيت وشوف شكبرها السفره
نحن لو تدري نشبع بطن فاضي لو انه جاع
ونفهمـ مقصد المحتاج قبل لايقول بنظره
انا اكتب احاسيسي شعر لاتظن انا خداع
عرفت اني انا شاعر كذا والله بالفطره
انا ما اصطنع شعري ولا اصارع عليه اصراع
لقيت الشي ذا فيني وقلبي حبه من صغره
اخذ من وقتي كل وقتي وبين الناس شعري شاع
ولأني قلته باحساسي اخذ من صوتي كل نبره
انا أداوي بأشعاري هموم الناس والاوجاع
ولاابغي من ورا شعري مقابل او ابي شهره
المقابل خله لك انت وانا اخلي الشعر فواع
لانها نظرتي بعيده ولا اظن انت لك نظره
انا اصدق دوم مع نفسي وبالتالي الشعر ينصاع
تحت امري تحت شوري على كيفي انا اسيره
بغيت امدح ترا بمدح بغيت آالذمـ مرحبا الساع
وهو شعري وانا كيفي مثل ما ابغيه بعتبره
انا شعري مثل نجم تلالا بالسما لماع
ولي مثلك يشوفه فوق يطلع وقتها عذره
ولا اظن له عذر اصلاً لانه بس يقول امباع
وانا مااسمعه والله كفاني خيره وشره
انا الاشعار تخضع لي مذله وبالغصب اخضاع
ثقه كيفك تسميها ولا سمها بطره
انا شعري ترا يخشاه ناس يهزمون اضباع
وشعرك انت مثلك يوم تشك الخيط بالابره
تحاول تكتبه يرفض يعاند يرتبك يلتاع
وانا اتحداك لو تقدر تقوله بس على عشره
ياخويه لو تقول انه شبر صدقني شعري باع
وانا كم مره اسأل عنك يقولون والله والعثره
تقيمني ! ومن حضرتك اسير الشوق او الملتاع
لاوالله تخسي انت ومن فوقك بعد عشره
او انك فاكر انك انت على غفله مثل فزاع
لاوالله ولاتسوى شعر فزاع او ظفره
ياخويه هذا شاعر فارس مثقف وصيته ذاع
تصفق له جميع الناس من الروعه اللي في شعره
تحت امره هبوط هبوط وحالاً لو يوقل اقلاع
والله من كثر حبه حفظنا كل بو شعره
وهو بحر الشعر اصلاً وانا رافع في بحره شراع
كلاام الحق مايزعل ولايذبل ابد زهره
يروض كل خيول الارض وكل خيلن لأمره طاع
وابيك تشوف شو يسوي فسباق الخيل والقدره
اذا انك ناوي تتفلسف تراها الفلسفة انواع
واسهلها معك صعبه وليه بس تدعي القدره
لاتتفلسف بكلماتك ترا مالك ابد اي داع
ترا سهله اقلك قمـ اطلع لوسمحت برا
ولكنا تربينا وفينا المستحى ماطاع
تعلمنا مع الايام نعطي كل احد قدره
ومب كل من كتب له بيت ويمكن هو شرا او باع
يسوي نفسه الشاعر ويستضرب على ذكره
ترا الشاعر عباره عن مشاعر داخل الاضلاع
واذا طلعت من الخاطر بتوصل كوكب الزهره
انا وش لي ارد اصلا على واحد لبسله قناع
دفعه النقص يتكلم وهو ميت من الحره
بقولك بس شي واحد ترا قالوه بالاجماع
ومن قاله ترا قاله قناعه تجربه وخبره
ترا من يوصل القمه يحسده من سكن بالقاع
وهالشي من قبل معروف يعني بس على فكره

•[• عـلى فكـرهـ.. •]• 11nl6

السلام عليكم ..

واااااااااااااااااااااي رووووووووعه ..
تسلمين حياتي ع هالقصيده الخيااال ..
ربي يعطيك الف عافيه
وعساك ع القوه يارب ..

انتضر جديدك بالهفففففففه ...

مررة هنآآآآآآ..

ودي

؛؛{اَلاُسٌّطّوُرَهـّ}؛؛

هلا حبيبتي
منووووووووره
تسلميييييين مرورك الاروع يالغلاا
الله لايحرمني من هالطله يارب